白石燒烤場

都有好幾年冇去過白石燒野食,上星期襯母親節走左去當慶祝啦~發覺果度呢幾年唔同左好多,感覺上舒服左,食物既質素同衛生都好似好左~

 

先講個爐,睇落已經唔同左,唔係以前咁頹又污糟,睇落用呢個爐燒既野食應該食得落肚既…同埋我地order左燒豬仔,今次個架唔係同個爐分開,而係連埋嚮個爐度,咁樣就唔駛成日唔小心踢到個架啦~同埋,依家個網睇落干淨d, 如果懶d可以如上圖咁直接放上個網度燒,連燒烤叉都唔駛羅住:p 講食物,以前係用一個個白色膠袋打個結黎入住d食物,依家好好多,每包都用透明膠袋密封住比人,感覺上衛生好多啦~

 

我地5點左右開始燒,天仲未黑可以望去船灣淡水湖,風景都幾靚。果度其實仲有個士多賣風箏,玩具,毽…果度仲放左幾架舊既廢車,小朋友可以上去玩,都玩得好開心。

 

今次對白石燒烤場有d改觀,估唔到佢地都有d進步。如果佢改善到夏天熱剌剌既問題,今個暑假可以去多幾次!

 

仲有個溫馨提示,如果好耐冇去過既朋友要搭shuttle bus去,記住依家個站已經唔嚮新港城喇,佢地搬左個站去烏溪沙!!!我傻間間等左幾個字先發現-,-”